estiagacreed

Hindi masama ang magkamali….
dahil sa pagkakamali na iyong kinasadlakan doon ka natuto, doon ka mas tumatalino, doon ka humugot ng lakas para bumangon.

hindi masamang magkamali, dahil ito ay isang patunay na ikaw ay tao.
nadadapa
lumuluha
at umaaray

Ang masama ay Ang magkamali ka sa parehong sitwasyon at pagkakataon. Alam mong mali pero inulit mo lang.
nakikita mo ang Mali pero hindi ka gumawa ng paraan para umalis sa maling yun.
wari'y nasarapan ka lang sa maling yun kahit paulit ulit ka ng ginagalusan

paulit ulit mo ng sinsaktan ang sarili mo dahil pilit mo ng niyayakap ang mali.
humihikbing palihim nagkukubli ka palagi sa dilim. inaaliw ang sarili sa panandaliang aliw.
pilit pinaniniwala na ayos lang ang lahat ngunit

sa kabila ng iyong utak alam mong sa sarili mo ikaw ay nagtataksil. May kulang, may gumugulo may mga agam-agam. Mga ingay sa gabi na ikaw lang ang nakakarinig.

Hihingi ng saklolo, tutulong ang iba,
laway ng kausap ay ubos na sa huli'y hindi ka nakikinig. Susundin pa din ang puso dahil sabi mo'y ikaw ay masaya. ngunit utak ay nananaghoy nais kumawala, sabihin mo nga sa akin, Talaga bang ikaw ay masaya?

Hindi isang sapat na dahilan ang “hindi ko na alam ang gagawin gulong-gulo na ako”
sapagkat maraming beses mo na napagtanto na ang sitwasyon mo ay mali at gusto mo lang itawid to.
Gumugulo sapagkat nais mong salungatin ang Tama at baliin ang nararapat para sa iyo

Isang pagkakamali, ngayon ay naging Bisyo.
tama lang siguro na, mag isa kang harapin ang sarili mo matutunan ang pagkakamali sa paraang mahirap puno ng hapdi at hapis luha at sakit upang matauhan ka ng husto

Dalangin ko, sa iyong pagkatuto, unahin mong mahalin ang iyong sarili. Magkamali man, ikaw na ay mas matalino. Hinding hindi na yayakapin ang maling nagpagal sa isip, puso at katawan.
dala dala ang iyong sariling dangal na nakangiti na mas matatag at wasto.